Áleýmettik jeliler paıdalanýshylary Almatydaǵy úlken keptelisti talqylaýda
ASTANA. QazAqparat - Almatydaǵy kólik keptelisi - kúndelikti úırenshikti jaǵdaı, degenmen de, záýlim ǵımarattan túsirilgen beınejazba myńdaǵan qazaqstandyqtardy beı-jaı qaldyrmady.
Almatydaǵy Ál-Farabı kóshesindegi úlken kólik keptelisi týraly beınerolık Instagram ztb_kz tanymal jelisinde paıda boldy, osy mańdaǵy záýlim ǵımarattan túsirilgen qala kóshelerindegi myńdaǵan avtomobılder shamdary ózgeshe áser qaldyrady.
Almaty turǵyndary áleýmettik jelilerde qalada kópten turatyndar úshin bul kórinis tańsyq emes ekenin aıtady. Belsendi kólik aǵyny jaǵdaıynda ómir súrýge almatylyqtardyń eti úırenip ketken. Keıbir qazaqstandyqtar beınerolıktegi talqylaýda qoǵamdyq kólikke kóshýge jáne jaıaý júrýge úndeıdi.
