Áleýmettik jeliler arqyly taýarlaryn ótkizgeni úshin jaýapkershilikke tartylady
ASTANA. QazAqparat - Taýarlaryn áleýmettik jeliler arqyly satqany úshin Belarýstiń Elsk qalasynyń turǵynynyń ústinen qylmystyq is qozǵaldy, dep habarlady Belta.
Qarjylyq tergeý bóliminiń qyzmetkerleri jedel izdestirý sharalary barysynda qala turǵynynyń zańsyz áreketin baıqap qaldy. Ol áıelder men balalar kıimderin, kosmetıka ónimderin tanymal áleýmettik jelilerdegi óziniń paraqshalary arqyly saýdalaǵan. Paraqshasynda taýardyń sýretin salyp, qunyn jazyp otyrǵan.
Qarjy mılıtsııasynyń qyzmetkerleri anyqtaǵandaı, 2 jyl ishinde zańsyz kásipkerdiń tutynýshylarynyń sany 300 adamǵa deıin jetken. Olar jalpy somasy 183 mln. belarýs rýbline taýarǵa tapsyrys beripti.
Zańsyz kásipkerlik áreketi úshin azamatshanyń ústinen qylmystyq is qozǵaldy.
