Áleýmettik jelige aqparat jetkizý úshin emes, laık úshin jazady - saıasattanýshy

NUR-SULTAN. QazAqparat - Bizdiń qoǵam gazet oqymaıdy, kóbi aqparatty áleýmettik jeliden biledi. Elordada ótip jatqan qazaqtildi onlaın kontent jasaýshylardyń forýmynda osyndaı pikir aıtyldy, dep habarlaıdy QazAqparat tilshisi.

«Bizdiń qoǵam gazet oqymaıdy, kóbi aqparattardy áleýmettik jeliden biledi. Dástúrli BAQ quraldaryna tereńdik kerek, sonda ǵana báseke bolady, sebebi gazet ár 10-15 mınýt saıyn shyqpaıdy», - deıdi saıasattanýshy Samat Nurtaza.

Ol «qoǵamǵa vaınerler, messendjerler kerek emes» degen oımen kelispeıtinin aıtty.

«HVII-XVIII ǵasyrda hanǵa shyndyqty dombyramen aıtatyn adamdar bolǵany sııaqty mesendjerler halyqqa silkinis beretin ımpýls retinde qabyldanady. Áleýmettik jelide kóbi durys aqparat aıtaıyn dep emes, kóp laık jınaıyn dep jazady. Sarapshylardyń aıtýynsha, álemde jylyna bir adam áleýmettik jeliniń kesirinen ózine qol salady. Áıgili Stıven Kıng «Áleýmettik jelide óz-ózimdi aldaǵym kelmeıdi, shynaıy ómirge bet burǵym keledi» dep Facebook paraqshasyn jaýyp tastaǵan. Blogerlerdi, saıasattanýshylardy tok-shoýlarǵa shaqyryp turý kerek, sebebi bul jerde oıdy erkin aıtý múmkindigi bar», - deıdi ol.