Áleýmettik jelidegi aqparattyń shynaıylyǵyn tekseretin polıgraf paıda boldy
ASTANA. QazAqparat - Birneshe eýropalyq ýnıversıtetterdiń mamandary áleýmettik jelilerge arnalǵan «jalǵandyq detektory» qyzmetin atqaratyn Pheme jańa tehnologııasyn jasady.
Júıe shynaıy ýaqyt rejiminde qysqasha habarlamalary skanerlep, olardyń shynaıylyǵyn aıqyndaı alady. Tańǵaldyratyny, júıe aqparattyń túrine qaraı ony jalǵan málimet, kórineý jalǵan, alypsatarlyq jáne t.b. sanattarǵa bóledi.
Sheffıld ýnıversıtetiniń qyzmetkeri Kalına Bonchevanyń aıtýynsha, búginde halyq ınternette aıtylǵandardyń barlyǵyna senip qalady, sondaı jaǵdaıda Pheme aqparattyń shynaıylyq dárejesin anyqtaýǵa, aldanbaýǵa járdemdesedi.
Júıeni aıaqtaý úshin mamandarǵa 18 aıdaı ýaqyt jáne $6 mln. qarajat qajet eken.
Sońǵy ýaqytta Internette bedeldi baspalarǵa buzyp kirip, kórineý jalǵan aqparat ornalastyratyn vırtýaldyq buzaqylar paıda boldy. Pheme júıesiniń bolýy osyndaı ókinishti túsinbestiktiń aldyn alýǵa járdemdesedi, dep jazady Rosbalt.
