Áleýmettik jelide ustazdarǵa alǵys aıtýǵa qatysty aktsııa bastaldy

ASTANA. QazAqparat - QR Bilim jáne ǵylym mınıstrligi «Men ustazyma alǵys aıtamyn» atty chellendjin bastady, dep habarlaıdy QazAqparat mınıstrliktiń baspasóz qyzmetine silteme jasap.

Bastamaǵa qosylatyndar áleýmettik jeli paıdalanýshylary ustazdaryna alǵys aıtýy kerek.

«Aktsııaǵa qatysý úshin jeli qoldanýshylary muǵalimderine arnaǵan quttyqtaýlaryn foto nemese vıdeoǵa túsirip, Instagram, Facebook, Vkontakte áleýmettik jelilerine #ustazdarkúni #pozdravsvoegoýchıtelıa #denýchıtelıa heshtegterimen birge júkteıdi.

Aktsııa ustazdar kúnine oraı uıymdastyrylyp otyr jáne 6 qazanǵa deıin jalǵasady. Basty maqsat - ustazdarǵa kásibı mereke qarsańynda qurmet kórsetý», - delingen BǴM-nyń Feısbýktegi paraqshasynda.

Mınıstrlik chellendjge qatysyp, estafetany dostararasynda taratýǵa shaqyrady.