Áleýmettik jelide taraǵan pedofıl beınelengen vıdeonyń Qazaqstanǵa esh qatysy joq - Sadýbaev
ASTANA. QazAqparat Áleýmettik jelide taraǵan pedofıl beınelengen vıdeonyń Qazaqstanǵa esh qatysy joq. Bul jaıynda QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Áleýmettik jelide syrtqy beıne baqylaý kamerasy túsirgen vıdeo taraýda. Onda belgiz er adam balalarǵa tıisip júrgeni beınelengen. Bul fakti Reseı Federatsııasynyń aýmaǵynda ornalasqan. Áleýmettik jelide osy sekildi aqparattardyń taralýy jıileı túsýine baılanysty jalǵan aqparatty taratý qylmystyq jaýapkershilikke ákep soqtyratyndyǵyn taǵy da bir márte eskertkim keledi», - dedi Almas Sadýbaev.
