Áleýmettik jelide ornyqty oıdy nasıhattaýdyń joldary qandaı
«Qarapaıym mysal: áleýmettik jelide otyrǵan kezde adamdarǵa maska taǵýdyń mańyzy týraly jıi jazamyz. Muny oqyrmanǵa qalaı jetkize bilý kerek? Vırýsologtardan sheksiz suhbat alyp, ǵylymı turǵydan maskanyń tıimdi ekenin tynymsyz túsindire berýge bolady. Tipti óz sóziń dáleldi, dáıekti bolý úshin BBC-diń oǵan qatysty zertteýin de bólisip, kórsetýge múmkindik zor. Alaıda oıly jáne ornyqty túrde osy pikir-paıymdy túsindirip otyrsań, keıbir adam durys qabyldamaýy múmkin. Alaıda áleýmettik jelidegi jazbańdy «qyzdar, búgin kún shyǵyp tur, maska taǵyp betti qorǵamasaq, betimiz pıgmenttelip, terimizge qıyn bolatyn boldy» dep jazyp edik – sol postymyzdyń birine jazylýshylar tarapynan nazar qatty boldy. Osydan keıin maskanyń shynynda da, paıdaly ekenin basqa jolmen jetkizýdiń amal-ádisterin oılap tabýǵa týra keledi», - deıdi Násıma Qorǵanbekova.
Blogerdiń aıtýynsha, maska taǵa júrip, densaýlyqqa qaýip tóndirmeı, saqtanyp júrýge ábden bolady.
«Máselen dál qazirgi ýaqytta maskany taǵa júrip, sonyń arqasynda tonaldy maıdyń kýrtkama jaǵylyp qalmaıtynyna kózim jetti. Álbette men bul týraly da jazarmyn. Tek sonda ǵana keıbir adam qabyldap, jazǵanyńdy oqyp, aıtqanyńa qulaq asady. Kózimniń jetkeni – aqparattyń kóbiniń «as úıde qabyldanatyny». As úıdegi adamǵa «qaıdaǵy bir ushaqtyń vırýs taratatady eken» degenin góri «maska betińizdi ýltrakúlgindi sáýle men kúrteńizdi tonaldy maıdan qorǵaıdy eken» dep jazǵanyn oqyǵan paıdaly», - dedi ol.