Áleýmettik jelide náresteni aıaýsyz urǵan sát túsirilgen kezekti vıdeo paıda boldy
ALMATY. QazAqparat - Instagram áleýmettik jelisinde áıeldiń náresteni uryp jatqan sáti túsirilgen vıdeojazba taralýda. Bul vıdeony QR ІІM zerdeleýde, dep habarlady «QazAqparat» HAA tilshisi.
Kadrda áıel bir jasqa tolmaǵan náresteni shapalaqpen uryp jatqany anyq kórinedi. Ol balany «Aýzyńdy jap» dep aıǵaılap, basynan, betinen urǵylaýda.
QR ІІM memlekettik til jáne aqparat departamentiniń dırektory Almas Sadýbaev habarlaǵandaı, bul vıdeo zerdelenýde. «ІІM Internet jelisine ornalastyrǵan vıdeojazbada náresteni uryp jatqan áıeldiń kim ekenin anyqtaý úshin qajetti sharalardy qabyldaıdy, barlyq mán-jaı anyqtalǵannan keıin protsessýaldyq baǵa beriledi. Qazir vıdeo zerdelenýde», - dedi ol. Birneshe pikir bildirýshiler men jarııalanym avtorlarynyń aqparatyna sáıkes, bul áıel - Almaty turǵyny.
Vıdeony 8 jasar qyz túsirgen. Qazir bul áıeldiń qaıda ekenin belgisiz. Áleýmettik jeli paıdalanýshylary jazǵandaı, 8 jasar qyz vıdeony anasy jumysta bolǵan kezde túsirgen. «Ony izdedik, ol basqa jerge kóship ketipti, qaıda ekenin eshkim bilmeıdi. Bizdi balanyń taǵdyry alańdatady. Áıel 8 aılyq júkti. Balanyń taǵdyryna beı-jaı qaramaıtyndar izdeýge járdemdesýdi suraımyz, - dep habarlady áleýmettik jeli paıdalanýshy.
Eske salsaq, Instagram áleýmettik jelisinde Pavlodarda anasy úsh jasar qyzyn urǵan vıdeo paıda bolǵan. Oǵan birden quqyq qorǵaý organdary, bilim berý basqarmasy nazar aýdardy. Balany jetimder úıine aparyp, keıinnen ony ákesi alyp ketti.
