Áleýmettik jelide koronavırýs týraly taraǵan aqparat jalǵan – Almaty ákimdigi
ALMATY. QazAqparat – Almaty ákimdigi áleýmettik jelilerde taraǵan aqparatqa túsinik berdi. Onda Almaty qalasy ákiminiń ókimimen koronavırýs ınfektsııasy tirkelgeni, joǵary daıyndyqty qamtamasyz etý sharalary týraly aıtylǵan, dep habarlaıdy QazAqparat tilshisi.
«Áleýmettik jelilerde Almatyda koronavırýs ınfektsııasy tirkelse, joǵary daıyndyqty qamtamasyz etý sharalary týraly qala ákiminiń buıryǵy bar degen aqparat tarap ketti. Biz taratylǵan aqparattyń shyndyqqa janaspaıtynyn resmı túrde habarlaımyz. Bul – jalǵan. Sonymen birge, qalada COVID-2019 koronavırýstyq ınfektsııasynyń taralýyna qarsy belsendi jumys júrip jatqanyn málim etemiz. Qazirgi ýaqytta megapolıstegi jaǵdaı turaqty. Koronavırýs tirkelgen joq», - dep jazdy ákiminiń baspasóz hatshysy Áset Muqajanov Instagram -da.
Sonymen qatar, ol azamattardy resmı derekkózderdegi aqparatty paıdalanýǵa shaqyrdy. Anyqtama úshin 1406 Call-ortalyǵy táýlik boıy jumys isteıdi.
«Almaty qalasy ákimdiginiń qoǵammen baılanys qyzmeti únemi kúndelikti jaǵdaı týraly habarlaıdy. Almatyda koronavırýstyq ınfektsııanyń aldyn alý jónindegi aımaqtyq shtab jumys isteıdi. Kúsheıtilgen sanıtarlyq-karantındik baqylaý sharalary júzege asyrylýda. Qaladaǵy jaǵdaı baqylaýda», - dep atap ótken ol.
