Áleýmettik jelide kópten kútken iPhone 6-nyń sýretteri paıda boldy - FOTO
ASTANA. QazAqparat - Taıvandyq akter jáne ánshi Djımmı Lın weibo áleýmettik jelidegi óziniń paraqshasynda aldaǵy Apple iPhone 6 smartfonynyń sýretin jarııalaǵan. Bul týraly 3dnews-ǵa siltememen Day.Az habarlaıdy.
Ótken jyly Djımmı Lın áli shyqpaǵan iPhone 5s smartfonynyń fotosyn jarııalaǵan.
Sol sebepti taıvandyq akter usynǵan sýretter buǵan deıingi anonımdi derek kózderiniń aqparatyna qaraǵanda áldeqaıda senim uıalatady.
Alaıda, bir aıta keterligi, akter tanystyrǵan qurylǵy onyń prototıpi ǵana bolýy múmkin. Smartfonnyń sońǵy dızaıny qandaı bolady degendi kesip aıtý qıyn. Osy jyly Apple 4,7 jáne 5,5 dıýımdi ekrandarymen jańa eki nusqasy usynady dep kútilýde.
