Áleýmettik jelide Qazaqstan Úkimetiniń atyn jamylǵan feık akkaýnttar paıda boldy

NUR-SULTAN. QazAqparat - Áleýmettik jelide Qazaqstan Úkimetiniń atyn jamylǵan feık akkaýnttar paıda boldy, dep habarlaıdy QazAqparat tilshisi.

«Instagram áleýmettik jelisindegi @officialkazakhstangovt jáne Twitter-degi @KazakhstanGovt akkaýnttarynyń feık ekendigin habarlaımyz. Atalǵan paraqshalarynda jarııalanatyn materıaldardyń Qazaqstan Respýblıkasy Úkimetiniń qyzmeti týraly resmı aqparattarǵa eshqandaı qatysy joq. Osyǵan oraı túrli áleýmettik jelilerde osyndaı feık paraqshalar paıda bolǵan kezde aqparat alý úshin QR Premer-Mınıstriniń primeminister.kz resmı saıtyn jáne Facebook, VKontakte, Twitter, Instagram, YouTube áleýmettik jelilerinde anyqtalǵan akkaýnttardy ǵana paıdalanýdy ótinemiz», - dep jazdy QR Premer-Mınıstriniń baspasóz hatshysy Zarına Nurlanova Facebook paraqshasynda.

Aıta keteıik, PrimeMinister.kz kontent-platformalary mynalar:

1. instagram.com/primeministerkz (qazaq/orys/aǵylshyn tilderinde);

2. fb.me/primeminister.kaz (qazaq tilinde);

3. fb.me/primeminister.kz (orys tilinde)

4. fb.me/primeminister.int (aǵylshyn tilinde);

5. https://twitter.com/primeminister_k (qazaq tilinde);

6. twitter.com/primeministerkz (orys tilinde);

7. twitter.com/primeministeren (aǵylshyn tilinde);

8. vk.com/primeminister_k (qazaq tilinde);

9. vk.com/primeminister_news (orys tilinde);

10. youtube.com/c/pmkz (qazaq/orys tilderinde);

11. @PrimeMinisterKZ_bot (qazaq/orys tilderinde).