Áleýmettik jelide ǵaıbat jazba qaldyrǵandarǵa 500 AEK kóleminde aıyppul salynady
«Eger siz jalǵan ekenine senimdi bola tura ósek taratatyn bolsańyz jaýapqa tartylasyz. Al eger qatelesseńiz nemese shyndyq ekenine shyn máninde senimdi bolsańyz, onda eshkim, eshýaqytta jaýapkershilikke tartylmaıdy. Buǵan qosa ósek-aıańǵa qatysty statıstıka da joq», - dedi Bas prokýrordyń birinshi orynbasary BAQ ókilderiniń saýalyna oraı.
Sonymen qatar ol áleýmettik jelilerde jazylatyn synı jáne adamnyń abyroıyna nuqsan keltiretin jazbalarǵa qatysty da óz oıyn bildirdi. Onyń atap ótýinshe, synı jazba qaldyrǵan adam esh ýaqytta jazaǵa tartylmaıdy. Al bireý jábirlense, ony saraptama kórsetip berýi tıis.
«Mundaı jazba nemese dinı máseleler taratylatyn bolsa, onda saraptama taǵaıyndalady. Ol qorytyndy berýi tıis. Eger qorytyndy kezinde jazbanyń jábirleý maqsatynda jazylǵany anyqtalsa, onda jaýapkershilikke tartylady. Bul rette sanktsııa kólemi úlken emes. Menińshe, 500 AEK kóleminde aıyppul nemese 3 aı túzeý jumystary belgilenedi», - dedi I.Merkel
