Áleýmettik jelide elorda kósheleriniń birin sý basqandyǵy jóninde vıdeo paıda boldy
ASTANA. QazAqparat - Feısbýk áleýmettik jelisinde Astana kósheleriniń birin sý basqandyǵy jónindegi beınekórinis paıda boldy, dep habarlaıdy QazAqparat.
Atalmysh vıdeony túngi saǵat 02-00-der shamasynda Arsen Shakýov atty azamat jarııalady. Beınekóriniste Astanadaǵy Turyr Rysqulov kóshesiniń boıyndaǵy, nómiri ekinshi balalar emhanasynyń mańynda ystyq sý qubyrynyń tesilip, ol jerden sý atqylap jatqandyǵy aıtylady.
Beınekórinisten joldy sý alyp, ystyq sý býynyń burqyrap jatqany aıqyn kórinedi. «Bul jerden kólikpen ótý qazir qıyn. Tań ata árıne, jaǵdaı qazirgiden de qıyn bolady. Sebebi biraz ýaqyttan soń qubyrdan aqqan sý muz bolyp qatady da, kólikpen júrý odan saıyn qıyndaı túsedi»,-deıdi ol.
Sondaı-aq beınekórinisti jarııalaýshy azamat aýa raıynyń -29 gradýs ekendigin aıtady jáne ol oryn alǵan problemanyń tań atqansha jóndeletindiginen úmitti.
