Áleýmettik jelide belsendi bolý úshin qoǵamdyq tártipti buzǵan jigit ustaldy

TÚRKІSTAN. QazAqparat - Túrkistan oblysynda jas jigit áleýmettik jelide belsendi bolý úshin qoǵamdyq tártipti qasaqana buzdy, dep habarlaıdy QazAqparat ІІM-ne silteme jasap.

Instagram paraqshalardyń birinde jas jigittiń qasaqana zańǵa qaıshy áreket jasaǵan beınejazbasy nazarǵa ilikti. Quqyq buzýshynyń jeke basy anyqtalyp, qasyndaǵy dostarymen birge polıtsııaǵa jetkizildi.

Jas jigitke qatysty QR ÁQBtK 364-babynyń 1-tarmaǵynyń 1-bóligi boıynsha eskertý berildi. Oǵan qosa QR ÁQBTK-niń 434-babymen ákimshilik hattama toltyryldy.

«Qala turǵyny kinásin tolyq moıyndap, jasaǵan áreketteri úshin ókinip, aldaǵy ýaqytta mundaı bassyzdyqtarǵa jol bermeıtinin jetkizdi. Bul áreketterdi áleýmettik jelide belsendi bolý úshin jasaǵanyn aıtty», - dep jazdy quzyrly organnan.