Áleýmettik jelide balaǵat sózder jazǵan Atyraý oblysynyń turǵyny tutqyndaldy
ATYRAÝ. QazAqparat - Áleýmettik jelidegi balaǵat sózder úshin Atyraý oblysynyń turǵyny tórt táýlikke tutqyndaldy, dep habarlady «QazAqparat» HAA tilshisi.
Atyraý oblysy Isataı aýdandyq soty QR ÁQtK 434-baby 1-bóligine qatysty ákimshilik isti qarady.
Materıal derekteri boıynsha, S. Atty azamat jol-kólik oqıǵasy týraly oblystyń ІІD habarlamasyna balaǵat sózdermen pikirin qaldyrǵan. Apat 2017 jyly maýsymda Atyraý-Astrahan tasjolynda bolǵan. Bul týraly habarlama ІІD «Facebooktegi» jeke paraqshasynda jarııalanǵan.
«Sot otyrysynda azamat S. óz isine ókindi. Sot qaýlysymen ol aıypty dep tanylyp, oǵan 4 táýlikke ákimshilik tutqyndaý túrinde jaza taǵaıyndaldy», - dep habarlady Isataı aýdandyq sotynyń baspasóz qyzmeti.
Qaýly zańdy kúshine engen joq.
