Áleýmettik jelide arandatýshylyq pikir jazǵan Oral turǵynyna qatysty is qozǵaldy

ORAL. QazAqparat – Áleýmettik jelide arandatýshylyq pikir bildirgen Oral qalasynyń turǵynyna qatysty qylmystyq is qozǵaldy, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Nurǵojınniń málim etkenindeı, Maksım ıAkovchenko áleýmettik jelide arandatýshylyq baǵyttaǵy jazbasyn jarııalaǵan. Bul pikir qoǵamda qyzý talqylanyp jatyr.

Atalǵan turǵyn Qazaqstannyń birneshe qalasyn Reseıge berý kerektigin jazǵan. Sonysymen ultaralyq arazdyqty týǵyzýǵa sebepker bolǵan.

«Osy derek boıynsha BQO polıtsııa departamenti QR QK 174-babyna (ultaralyq alaýyzdyqty qozdyrý) sáıkes qylmystyq is qozǵaldy. Polıtsııa departamenti barlyq áleýmettik jeli qoldanýshylaryna mundaı arandatýshylyqqa ermeýge, jaǵdaıdy ýshyqtyrýǵa septespeýge shaqyrady. Sonymen qatar mundaı arandatýshylyq pikirdiń qylmystyq jazalaýǵa soqtyratynyn eske salady. Barlyq azamattar bir-birine qurmetpen qarap, syılastyqty saqtaı bilgeni jón», dedi B.Nurǵojın.

Eske sala keteıik, budan buryn Oral aýrýhanasynda egizdi dúnıege ákelgen kelinshektiń kóz jumǵanyn jazǵan bolatynbyz.