Áleýmettik jeli qoldanýshylary QR Densaýlyq saqtaý mınıstrligine tikeleı júgine alady
ASTANA. QazAqparat - Densaýlyq saqtaý mınıstri Eljan Birtanov qazaqstandyqtarǵa medıtsınalyq qyzmetter men dári-dármektiń sapasy boıynsha áleýmettik jelide ózderiniń usynystary men pikirlerin qaldyrýdy usyndy - Feısbýkte mınıstrliktiń profıldik komıtetterine akkaýnttar ashylǵan, dep habarlaıdy «QazAqparat» HAA vedomstvo basshysynyń Feısbýktegi paraqshasyna silteme jasap.
«Búkil qoǵamdyq densaýlyq saqtaý, sanıtarlyq-epıdemıologııalyq densaýlyq, sondaı-aq medıtsınalyq qyzmetterdiń sapasyn baqylaý máseleleri boıynsha jazyńyzdar. Qoǵamdyq densaýlyqty saqtaý komıteti (...). Bizge, tikeleı Farmatsııa komıtetine dári-dármekpen qamtamasyz etýdiń barlyq máseleleri boıynsha jazyńyzdar», - dep jazdy mınıstr Feısbýkte.
