Áleýmettik jeli destrýktıvti maqsatta qoldanylmaýy tıis - QR Prezıdenti
NUR-SULTAN. QazAqparat - Áleýmettik jeli destrýktıvti maqsatta qoldanylmaýy tıis. Bul týraly búgin Aqordada otandyq jáne sheteldik BAQ ókilderine suhbat bergen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Meniń ózim áleýmettik jelini belsendi túrde qoldanamyn. Tvıterdegi paraqshamdy ózim júrgizemin. Sondyqtan áleýmettik jelilerdiń buǵattalatyny jaıynda bilgen emespin. Árıne, quqyq qorǵaý organdaryna tıisti tapsyrma beriletin bolady», - dedi QR Prezıdenti BAQ ókilderiniń keshke qaraı áleýmettik jeliniń buǵattalýyna qatysty qoıǵan saýalyna oraı.
Degenmen Memleket basshysy áleýmettik jeli destrýktvti maqsatta, halyqty arandatýshylyqqa shaqyrýǵa, onyń ústine adamdardy bir-birine aıdap salýǵa qoldanylmaýy tıistigin basa aıtty.
«Internet ábebap dúnıe. Bizdiń ómirimizdiń shynaıy mánine aınalyp otyr», - dedi Qasym-Jomart Toqaev.
