Áleýmettik jeli belsendileriniń forýmy ótedi
«Forýmnyń maqsaty - tanymal áleýmettik jelilerdiń belsendi paıdalanýshylarynyń áleýetin arttyrý, memlekettik baǵdarlamalardy, ásirese Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn iske asyrýǵa jáne alǵa bastyrýǵa tartý. Instagram-da nemese Facebook-ta óz akkaýntyn oqyrmandaryna arnalǵan tartymdy da mazmundy materıaldarmen belsendi toltyratyn paıdalanýshylar bizdiń qyzyǵýshylyǵymyzdy týdyrady»,- deıdi oblystyq ishki saıasat basqarmasynyń basshysy Ernur Dáýenov.
Basqarma tanymal blogerlerdiń jáne belsendi ómirlik ustanymy bar, ınternet-keńistikte óz kózqarasyn bildiretin jastar ókilderiniń tizimin qalyptastyrýda.
300 myńnan astam jazylýshysy bar Pavlodardyń jalǵyz blogeri @_kristina_russinovich jarqyn mysal bola alady. Onyń akkaýntynyń basty baǵyty - #fýdblogıng.
Ernur Dáýenovtiń aıtýynsha, forým blogerlerdiń qoǵamdaǵy áleýmettik-saıası úderisterge kózqarastaryn ózgertýge, baǵdarlamalyq maqsattar týraly túsinikterin keńeıtýge, ınternet-keńistikte jańǵyrtý úrdisterin neǵurlym belsendi túsindirýge múmkindik beredi. Sonymen qatar qatysýshylarǵa memlekettik organdarmen ózara is-qımyldyń jáne birlesken jumystyń jańa jáne qyzyqty ádisteri usynylatyn bolady.
Іs-sharaǵa belgili qazaqstandyq blogerler qatysady. Uıymdastyrýshylar Pavlodar oblysynyń barlyq turǵyndary úshin áleýmettik jeliler arqyly qoǵamdyq sanany jańǵyrtýdyń ıdeıalaryn taratýshylary bolatyn ınternet keńistiktiń neǵurlym kreatıvti, talantty ókilderin anyqtaýdy josparlap otyr.