Áleýmettik jeli arqyly álemge tanylǵan qazaq sýretshisiniń kórmesi ótedi (FOTO)
ASTANA. QazAqparat - 14 qazan kúni Astana qalasyndaǵy Eýrazııa Ulttyq ýnıversıtetiniń bas ǵımaratynda tanymal sýretshi Ańsaǵan Qurmanǵazyqyzy Mustafanyń (Ańsa Mustafa) alǵashqy kórmesi ashylady, bul týraly «Aq bosaǵa» basylymy habarlady.
Kórme qazan aıynyń 25-ine deıin jalǵaspaq. «Sóıle, sýret» atty kórmeniń negizin ǵalamtorda tanymal sýretter quraıdy. Kórme áleýmettik jelidegi oqyrmandardyń tól týyndyny óz kózimen kórgileri keletinderdiń kóptegen suraýlarynan keıin uıymdastyrylsa da, negizgi maqsaty qazaq jastaryna, jalpy jastarǵa, tálim tárbıeni zamanaýı jáne árkimge birden túsinikti ınfografıka tásilin paıdalana otyryp jetkizý. Sondyqtan, kórmeni Astananyń qara shańyraǵy bilim ordasynda uıymdastyrý jón dep uıǵaryldy. «Kórmeni uıymdastyrýdaǵa at salysqany úshin Eýrazııa ýnıversıteti rektoryny Erlan Báttashulyna jáne ýnıversıtet ujymyna alǵys bildiremiz. Uıymdastyrýshylar «Sóıle, sýret» kórmesimen eki aptaǵa jýyq ýaqyt ishinde qaladaǵy bilim ordalarynyń kópshiligiń stýdenteri tanystyrylady degen oıda. Kórmeni aldaǵy jyly elimizdiń basqa da qalaryna aparý josparda bar», delingen habarlamada. Sońǵy jyldary áleýmettik jelilerde Ańsaǵan Mustafanyń ár jańalyqqa, kóterilgen problemalarǵa arnap salynǵan sýrettermen qatar, kóbine óz sýretteri arqyly qalyń oqyrmannyń nazaryn jańa taqyrypqa aýdaryp, tyń máselelerdiń basyn qozǵap jatatyny ǵalamtor oqyrmanyna málim. Qazaq jastaryna arnap salynǵan sýretteri túrik, japon, grýzın, qyrǵyz, aǵylshyn, orys jáne taǵyda basqa onshaqty tilderge aýdarylyp, álemge tarady. Keıbir sýretteri feısbýktiń latynamerıkalyq segmentinde, jergilikti eń tanymal ártisterdiń reıtıngisinen asyp túsken. Búginde eýroodaqta taraıtyn, japonııada taraıtyn jýrnaldar óz betterinde qaıta basýǵa ruqsat alyp otyr. Olarǵa qaıta basý qazaqstandyq basylym «Aq bosaǵaǵa» silteme jasap qaıta basý huqy tegin berildi.
