Áleýmettik jeli arqyly 11 aqmolalyqty san soqtyrǵan shyǵysqazaqstandyq ustaldy - Aqmola oblysy
KÓKShETAÝ. QazAqparat - Aqmola oblysynda áleýmettik jeli arqyly 11 aqmolalyqty san soqtyrǵan Shyǵystan Qazaqstan oblysynyń 37 jastaǵy turǵyny ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, kúdikti aram oıyn tanymal áleýmettik jeliler arqyly júzege asyryp kelgen.
«Kúdikti «OLH» áleýmettik jelisi arqyly Kókshetaý qalasynda páter jalǵa beriletini týraly jarnama jarııalaǵan. Jarnama boıynsha qońyraý shalǵan «klıentterine» páter izdegen adamnyń kóptigin aıtyp, aldyn ala jarna tóleýin talap etken. Klıentteri alaıaq áıelge 15000 jáne 45000 teńge shamasynda aqsha aýdarǵan. Keıin qolyna aqsha tıgen kúdikti baılanysqa shyqpaı qoıǵan», - deıdi vedomstvodan.
Bir kúnniń ishinde alaıaqtyń qurbany bolǵan Stepnogor jáne Aqkól qalasynyń turǵyndarynan 2 aryz tústi.
«Jedel-izdestirý sharasy kezinde kúdikti retinde Shyǵys Qazaqstan oblysy Rıdder qalasynyń 37 jastaǵy turǵyny ustaldy. Kúdiktiniń 11 adamdy aldaǵany anyqtaldy. Qazirgi kezde, kúdiktiniń ústinen QR QK 190 baby (alaıaqtyq) boıynsha sotqa deıingi tergeý amaldary júrgizilýde», - dep tolyqtyrdy vedomstvodan.
