Áleýmettik jeke kodtyń dýblıkatyn eGov portalynan alýǵa bolady

dep habarlady Baılanys mınıstrliginiń baspasóz qyzmetinen.

Eger ÁJK kýáligi joǵalǵan jaǵdaıda, Qazaqstan azamattary turǵylyqty meken-jaıy boıynsha Halyqqa qyzmet kórsetý ortalyqtary men Zeınetaqy tóleý jónindegi memlekettik ortalyǵyna habarlasýy kerek. Bul jaǵdaıda dýblıkatty joǵaltqany úshin ekinshi deńgeıdegi bankterge nemese «Qazpochta»AQ-na baryp, 165 teńge kóleminde memlekettik baj salyǵyn tóleý qajet. Budan soń, jeke kýáligińiz ben túbirtekti alyp Halyqqa qyzmet kórsetý ortalyǵyna qaıta kelesiz.

«Osynyń barlyǵyna Siz 1kúnnen 3 kúnge deıin ýaqytyńyzdy jumsaısyz. Biraq, budan bylaı atalǵan qyzmet kórsetý avtomattandyrylǵannan keıin, bul anyqtamany Elektrondyq úkimettiń portalynan alýǵa bar joǵy 2 mınýt ýaqyt jetkilikti bolady», dep atap kórsetiledi habarlamada.

Ol úshin elektrondyq sandyq qoltańba alyp, Elektrondyq úkimettiń veb portalyna tirkelýińiz kerek. Suranym óńdelgennen keıin, qajetti anyqtamany alýyńyzǵa bolady. Mysaly, jumysqa ornalasý, Zeınetaqy tóleý jónindegi memlekettik ortalyǵynan járdemaqy alý kezinde qajet bolady. 2003 jyldyń 7 qańtaryndaǵy «Elektrondyq qujat pen elektrondyq sandyq qoltańba týraly» QR Zańynyń 1 babynyń 7 tarmaǵyna sáıkes, elektrondyq sandyq qoltańbamen kýálandyrylǵan qujat qaǵaz tasyǵyshtaǵy nusqadaǵydaı zańdy kúshke ıe bolyp esepteledi.

Qazirgi kúni eń kóp suranysqa ıe e-qyzmetteri qatarynda: Jeke tulǵanyń jyljymaıtyn múlikke tirkelgen quqyqtary týraly; jeke tulǵanyń jyljymaıtyn múligi joqtyǵy (bar bolýy) týraly; salymshynyń qarajatynyń túskendigi jáne qozǵalysy týraly aqparatty berý anyqtamalary.