Áleýmettik jaǵynan osal toptarǵa 1,6 mln sharshy metr turǵyn úı beriledi - Asqar Mamın
«Qurylys salasy qarqyndy damyp keledi. Qurylystyń jalpy ishki ónim qurylymyndaǵy úlesi 2020 jylǵy 12 aıdyń qorytyndysy boıynsha 6,1 paıyzdan bıylǵy 11 aıdyń qorytyndysy boıynsha 6,25 paıyzǵa ósti. Bul sala ulttyq ekonomıka ornyqtylyǵynyń negizgi kózderiniń biri jáne ósý draıveri bolyp sanalady», - dedi A. Mamın Úkimet otyrysynda.
Onyń aıtýynsha, osy jylǵy 11 aıdyń qorytyndysy boıynsha qurylys salasynyń ósý qarqyny 6,2 paıyzdy qurady, bul ekonomıka boıynsha ósýdiń ortasha qarqynynan aıtarlyqtaı joǵary.
«Bıyl shamamen 17 mln sharshy metr turǵyn úı paıdalanýǵa beriledi, bul 163 myń azamatty úımen qamtamasyz etedi. Halyqtyń áleýmettik jaǵynan osal toptary úshin 1,6 mln sharshy metr turǵyn úı salynady. Nátıjesinde, shamamen 29 myń otbasy turǵyn úı jaǵdaıyn jaqsarta alady. Sonymen qatar elde jyl saıyn densaýlyq saqtaý, bilim berý, ónerkásip jáne ınjenerlik-kommýnıkatsııalyq ınfraqurylym nysandary kóptep salynyp jatyr», - dedi Úkimet basshysy.
