Áleýmettik zertteýler saýalnama júrgizýmen shektelmeýi kerek - saıasattanýshy Erlan Qarın
ALMATY. Mamyrdyń 13-i. QazAqparat /Erlik Erjanuly/ - Bizde kóp nárseler qarapaıym túrde túsindiriledi jáne bir jaqty ǵana qabyldanady.
Bul Almatyda "Jaýapkershilik kommýnıkatsııasy: bolmys pa, álde uqsastyq pa?" degen taqyryppen ótip jatqan VI Halyqaralyq PR forýmda aıtyldy, dep habarlaıdy QazAqparat.
«Bizde áleýmettik zertteýlerdiń róli óte qarapaıym formada qabyldanady. Shyn mánisinde áleýmettaný saýalnama júrgizý ǵana emes, onyń ádisteri alýan túrli. Mysaly, qabyldaý bólmelerine turǵyndar qandaı shaǵymdarmen kelip jatyr. Nemese BAQ-ta jarııalanǵan materıaldardyń mazmunyna saraptama jasaý degen sııaqty», deıdi saıasattanýshy Erlan Qarın. Onyń paıymdaýynsha, bizde saraptamashy qaýymnyń qyzmet aýqymy tar. Olardyń keıbiri sporttan bastap, din máselesine deıin jaýap bere beredi. Eshqashan da bul máseleni bilmeımin dep aıtpaıdy. 10 jyl buryn kópshiligi atústi jalpylama pikir aıtsa jetkilikti bolatyn. Qazir ol jetkiliksiz. Turǵyndardyń da talaby kúsheıip kele jatyr.
«Sarapshylardyń kásibı biliktiliginiń túsýi eń aldymen, birinshiden bilim berý júıesiniń álsizdiginiń kórinisi. Keı jaǵdaıda belgili bir taqyrypqa mamandanǵan sarapshylardyń ózderi de sol taqyryptaǵy qarapaıym nárselerdi ajyrata almaı jatady», deıdi saıasattanýshy.
