Áleýmettik zertteýler qoǵamnyń sot júıesine degen seniminiń artqandyǵyn aıǵaqtaıdy
ASTANA. QazAqparat - Qazaqstan qoǵamynyń otandyq sot korpýsyna degen senimi artýda. Muny Birikken Ulttar Uıymynyń Damý Baǵdarlamasy 2015 jyly júrgizgen áleýmettik zertteý nátıjeleri rastap otyr.
Saýalnamaǵa qatysqandardyń 71,3 paıyzy sýdıalar jumysyna qanaǵattanýshylyq bildirgen. Bul - elimizde zań ústemdigin qamtamasyz etýdegi mańyzdy kórsetkishterdiń biri.
Eýropa Odaǵynyń Venetsııalyq komıssııasy 2015 jyly Ortalyq Azııa elderiniń sot júıelerine sholý jasaı otyryp, Qazaqstandaǵy sot reformalaryn erekshe atap, aımaqtaǵy basqa elderge úlgi retinde usyndy.
Sonymen qatar, 2016 jyly Joǵarǵy Sot júrgizgen onlaın-saýalnamaǵa qatysqandardyń 77,3% sot satylaryn ońtaılandyrý sot tóreliginiń tıimdiligin arttyrýǵa septigin tıgizdi dep esepteıdi.
