Áleýmettik zertteý salyq organdarynyń álsiz tustaryn anyqtaýǵa kómektesti - Salyq komıtetiniń tóraǵasy
ALMATY. 14 qańtar. QazAqparat /Erlik Erjanuly/ - 2011 jyly Almatyda halyqqa qyzmet kórsetetin jańa 5 ortalyq ashylady.
Bul jaıly búgin QR Qarjy mınıstrligi Salyq komıtetiniń tóraǵasy Dáýlet Erǵojın Almatyda «Sandj» zertteý ortalyǵynyń salyq tóleýshiler arasynda júrgizilgen áleýmettik zertteýdiń qorytyndysyna arnalǵan dóńgelek ústel jıynynda aıtty.
«QR Salyq tóleýshiler qaýymdastyǵynyń tapsyrysy boıynsha bul áleýmettik zertteý 4 jyldan beri júrgizilip kele jatyr. Muny táýelsiz sarapshylar jasaıdy. Onyń qorytyndysyn biz de óz qyzmetimizge paıdalanamyz. Úkimetten qazirgi zamanǵy halyqqa qyzmet kórsetý ortalyqtaryn ashýǵa qarjy bólingen bolatyn. Ótken jyly olardyń tórteýi paıdalanýǵa berildi, bıyl taǵy 5 ortalyqtyń qurylysy aıaqtalmaq», - deıdi Dáýlet Erǵojın.
Salyq komıteti tóraǵasynyń aıtýynsha, bıyl qyzmet kórsetý ortalyqtaryndaǵy kezekke turý ýaqytyn túbegeıli ózgertýge erekshe kóńil bólinbek. Birqatar salyq organdarynyń 1990 jyldardan beri kompıýterlik tehnıkalary jańartylmaǵan. Osyǵan oraı bıyl alǵashqy toqsanda olarǵa jańa qurylǵylar ornatylmaq.
