Áleýmettik zertteý: «Nur Otan» partııasynyń halyq arasyndaǵy bedeli artyp keledi
Qoǵamdyq saıasat ınstıtýtynyń dırektory ıÝlııa Kýchınskaıanyń aıtýynsha, qarasha aıynda júrgizilgen zertteýge 1700 respondent qatysqan. Onda qazaqstannyń 14 óńiri men Nur-Sultan, Almaty, Shymkent qalalary qamtylǵan.
«Nur Otan» partııasynyń jumysyn jandandyrý bastamasyna halyq úlken qoldaý bildirdi jáne partııa mán berýi tıis 5 mańyzdy jumysty atap kórsetti. Olar – halyqpen dıalog ornatý, adamdardyń naqty máselesin sheshý, sybaılas jemqorlyqpen kúres, qarapaıym adamdardy saılaýǵa shyǵarý jáne olardyń bastamalaryn qoldaý. Sońǵy 3 aıda «Nur Otan» partııasy osy baǵyttarda jumys istegen bolatyn», - dedi ıÝlııa Kýchınskaıa elordada ótken baspasóz máslıhatynda.
Áleýmettik zertteý qatysýshylarynyń 61% «Nur Otan» partııasy saılaý aldynda bergen ýádelerin oryndap keledi dep esepteıdi. Odan bólek, «Jeke quqyǵyńyzǵa qysym jasalsa, qaıda júginesiz?» degen suraqta «Nur Otan» partııasy 27% kórsetkishpen ekinshi orynda tur.
«ıAǵnı, bul partııanyń azamattar ómirinde eleýli ról oınaıtynyn, olardyń naqty máselelerin sheship jatqanyn kórsetedi. Azamattardyń 49% partııanyń qarapaıym halyq múddesin sheshedi dep esepteıdi. Úsh aı buryn partııa jumysyn qaıta jandandyrý bastalǵanda, bul kórsetkish 40-tan tómen, 36% ǵana edi. Onyń ústine, partııa óziniń barlyq jobalaryn qaıta qarap, naqty áleýmettik toptardyń máselesin sheshýge baǵyttalǵan jobalardy ǵana qaldyrǵan edi. Onyń jarqyn mysaly – Balalar quqyǵyn qorǵaý keńesiniń jumysy. Keńes jumysynyń arqasynda birqatar óńirlerde zańbuzýshylyqtar anyqtaldy. Balalarǵa qatysty máseleler Úkimet deńgeıine shyǵarylyp, sheshimin tapty», - dedi ınstıtýt basshysy.
Qatysýshylar ataǵan taǵy bir ózekti másele – sybaılas jemqorlyqpen kúres. 2015 jyly «Nur Otan» partııasynyń Sybaılas jemqorlyqqa qarsy baǵdarlamasy qabyldanǵan.
«Bıyl baǵdarlamanyń alǵashqy kezeńin júzege asyrý merzimi aıaqtalady. Qazir kelesi kezeńniń Jol kartasy ázirlenip jatyr. Partııa jumysyn qaıta jandandyrý aıasynda jemqorlyqpen kúreske jaýapty Partııalyq baqylaý komıteti men Sybaılas jemqorlyqpen kúres boıynsha respýblıkalyq qoǵamdyq keńestiń jumys jospary jańartyldy. Olar ortalyqta jáne óńirlerde sybaılas jemqorlyqqa qarsy tyńdaýlar men talqylaýlar ótkizedi. ıAǵnı, halyq arasyndaǵy ózekti máselelerdi talqylaýǵa shyǵaryp, jaýapty organdardaǵy partııa múshelerinen máseleni sheshýdi talap etemiz. Odan bólek, partııa máslıhaty depýtattaryna usynymdar jiberedi, ári qaraı depýtattar máseleni sheshedi», - dedi ıÝlııa Kýchınskaıa.
Sońǵy úsh aıda partııanyń táribin buzǵany úshin jáne sybaılas jemqorlyq pen partııa ımıdjine nuqsan keltirgeni úshin 100 adam partııadan shyǵaryldy. Qazir Partııalyq baqylaý komıteti belsendi jumys isteýde. Sybaılas jemqorlyqqa qarsy «qaýyrt jeli» ashyldy. Turǵyndar habarlasyp, aryz-shaǵym qaldyra alady nemese óz máselesimen júgine alady.
Sonymen birge, qazirgi ýaqytta «Nur Otan» partııasynyń qoǵamdyq qabyldaý bólmeleriniń mańyzy arta tústi. Áleýmettik zertteý qorytyndysyna sáıkes, azamattardyń 75% partııanyń qoǵamdyq qabyldaýy týraly biletinin, 22% - qoǵamdyq qabyldaýǵa júgingenin jáne 15,9% – partııa kómegimen óz máselelerin sheshkenin aıtqan. Partııaǵa 1 shildeden beri barlyǵy 70 myń adam júgingen, 51 myń azamattyń aryzy kelip túsip, olardyń 40% boıynsha oń sheshim qabyldanǵan. 52% boıynsha túsindirme berilip, qalǵan 8% partııa baqylaýda ustap otyr.
Ortalyq jáne jergilikti atqarýshy organ basshylary júıeli túrde qabyldaý júrgizip keledi. Osy ýaqyt ishinde 16 myń qabyldaý ótkizilip, 37 myń adamnyń máselesi tyńdaldy. Úkimet músheleri, Parlament depýtattary, Nur-Sultan, Almaty, Shymkent qalalary jáne oblys ákimderi 120-dan astam qabyldaý ótkizdi. Al barlyq deńgeıdegi máslıhat depýttary 4300-ge jýyq qabyldaý júrgizdi. Partııalyq baqylaý komıteti azamattardy qabyldaý, olardyń aryzdarymen jumys isteý máselesin turaqty baqylaýyna aldy.
Áleýmettik saýalnamaǵa qatysqandardyń 54,8 paıyzy óz óńirlerinde «Nur Otan» partııasynyń belsendiligi artqanyn atap otyr. Olardyń úshten bir bóligi sońǵy 6 aıda «Nur Otan» partııasynyń jumysy jaqsardy dep esepteıdi. Óńir turǵyndary saýalnamada saıası uıymnyń aımaqtardaǵy bedeli artqanyn atap ótti. Osylaısha, partııanyń elektoraldy reıtıngi 10 paıyzǵa artyp, 65,8% qurady.
Zertteý sońynda qatysýshylar «Nur Otan» partııasy mán berýi tıis ózekti máselelerdi atady. Olardyń qatarynda eńbekaqyny kóterý, eń tómengi kúnkóris deńgeıin ósirý, sybaılas jemqorlyq, bilim berý men medıtsınadaǵy túıtkilder jáne áleýmettik teńsizdik máseleleri bar. Odan bólek, iri qala turǵyndary ekologııa men jumyssyzdyqty jıi kótergen.
