Áleýmettik zertteý: Kópbalaly otbasyda erlerdiń 62,7 paıyzy bala tárbıeleýmen aınalysady

NUR-SULTAN. QazAqparat - «Rýhanı jańǵyrý» qazaqstandyq qoǵamdyq damý ınstıtýty» sarapshylary kópbalaly otbasylardyń jaǵdaıy men damýy jaıly áleýmettik zertteý málimetterimen bólisti, dep habarlaıdy QazAqparat atalǵan uıymnyń baspasóz qyzmetine silteme jasap.

QQDI otbasy ınstıtýtyn zertteý ortalyǵynyń derekteri boıynsha, kópbalaly otbasylardyń 62,7%-ynda er adamdar balalardyń tárbıesimen áıeldermen teń dárejede aınalysady.

«Kópbalaly otbasylarynyń 34,8% – balalardy tárbıeleýde jasóspirim balalary kómektesetinin, 17,1% – kúıeýiniń ata-anasy kómektesetinin, 11,7% – eshkim kómektespeıtinin jáne suralǵan respondentterdiń tek 2,7% bala kútýshi qyzmetin paıdalanatynyn aıtty», – dedi QQDI otbasy ınstıtýtyn zertteý ortalyǵynyń sarapshysy Áıgerim Áshimova.

Jasóspirim balalary ata-analaryna ózderiniń kishi inileri men qaryndastaryn kútýge jıirek kómektesetin óńirler tizimi mynandaı: Qaraǵandy oblysynda - 64,2%, Pavlodar oblysynda – 57,8%, Jambyl oblysynda – 53,6%, Soltústik Qazaqstan oblysynda — 50%-dan sál azyraq kómegin kórsetedi – 47,1%, jáne Atyraý oblysynda – 46,9%.

Ata-analaryna balany kútýge eń az kómek kórsetetin jasóspirimder Aqtóbe oblysynda – tek 6,4%.

Qyzylorda oblysynda ata-ájelerdiń 42,5%-y nemerelerin (jıen emes) kútýge kómek kórsetedi. Soltústik Qazaqstan oblysynda suralǵandardyń 20%-ǵa jýyǵynda nemerelerin kútýmen áıeliniń ata-analary (naǵashy ata-ájesi) aınalysady, Qaraǵandy oblysynda 17,6%-y aınalysady. Jıenderin kútýmen aınalysatyn naǵashy ata-ájeler eń az turatyn óńir — Batys Qazaqstan oblysy (2,7%), Qyzylorda oblysynda (2,5%) jáne Aqtóbe oblysynda (2,1%).

Eske sala ótelik, bul áleýmettik zertteý 2020 jyly aqpan-naýryz aılarynda ótkizildi.