Áleýmettik turǵyn úıge kezekke turýshylardyń avtomattandyrylǵan bazasy qurylady
«Nurly jer» baǵdarlamasynyń aıasynda kóp balaly otbasylar úshin turǵyn úı satyp alýǵa jáne salýǵa qarjy qarastyryldy. Respýblıkalyq bıýdjetten jylyna 50 mlrd teńge nemese 7 jylda 350 mlrd teńge bólý josparlanýda. Jyl saıyn turǵyn úımen 6 myń kóp balaly otbasy, 7 jylda 40 myń otbasy qamtylady. Osy jyldyń mamyr aıynan bastap 1480 kóp balaly otbasyǵa baspana berildi», - dedi mınıstr.
Onyń aıtýynsha, Nur-Sultan, Almaty, Shymkent qalalaryndaǵy jumys isteıtin jastardyń eńbek utqyrlyǵyn qamtamasyz etý úshin 2019-2021 jyldary jylyna 1 myń jaldamaly páterdiń qurylysy josparlanǵan. Memleket basshysynyń tapsyrmasyna sáıkes jumys isteıtin jastar úshin jaldamaly turǵyn úılerdi satyp alýǵa jáne salýǵa qarjylandyrý kólemi ulǵaıýda. Bul bizge jumys isteıtin jastarǵa 2019, 2020 jáne 2021 jyldary 3 myń jaldamaly páterden berýge múmkindik jasaıdy.
«Turǵynúıqurylysjınaqbanki kóp balaly, tolyq emes otbasylarǵa jáne múgedek balasy bar otbasylarǵa turǵyn úı alýǵa jyldyq 2 paıyzben jáne 10 paıyzdyq alǵashqy jarnamen jeńildetilgen nesıe berýdi bastady. Bul maqsattarǵa 3 jyl ishinde 150 mlrd teńge bólý qarastyrylǵan. Jyl saıyn 6 myń otbasy áleýmettik kómekpen qamtylady», - dedi ol.
R.Sklıar Ulttyq bankpen birge jaldamaly turǵyn úıdi damytýǵa jeke ınvestorlardy tartý tetigi ázirlenip jatqanyn sonyń esebinen qosymsha 10 myń jaldamaly páter salýǵa múmkindik týatyndyǵyn jáne jylyna 20 myń otbasy baspanamen qamtylatyndyǵyn basa aıtty.
«Turǵyn úı qurylysyn ósirýmen qatar biz áleýmettik turǵyn úıdi úılestirý tetigin jetildirý jáne bul protsesterdiń ashyqtyǵyn arttyrý boıynsha jumystar júrgizýdemiz. Bul úshin Biryńǵaı respýblıkalyq avtomattandyrǵan kezekte turýshylar bazasy qurylýda. Azamattar óz kezeginiń jyljýyn onlaın rejimde qadaǵalaı alady. Jalpy qabyldanyp otyrǵan sharalar turǵyn úıge muqtaj azamattardyń máselesin qysqa merzimde sheshýge múmkindik beredi. Memleket basshysynyń barlyq tapsyrmalary ýaqtyly jáne tolyq oryndalady», - dedi mınıstr.
