Áleýmettik tólemderdi joǵarylatý úshin qosymsha 53,4 mlrd. teńge bólinedi - T. Dúısenova
ASTANA. QazAqparat - QR Eńbek jáne halyqty áleýmettik qorǵaý mınıstrligi eldegi barlyq áleýmettik tólemderdiń kólemin joǵarylatý maqsatynda Parlamentke jańa zańnyń jobasyn engizdi.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Eńbek jáne áleýmettik qorǵaý mınıstri Tamara Dúısenova málim etti.
Mınıstrdiń aıtýynsha, 1 sáýirden bastap, barlyq áleýmettik tólemderdiń kólemi artatyn bolady.
Biz depýtattardyń qaraýyna jibergen áleýmettik paketter elimizdegi áleýmettik jaǵynan qorǵalmaǵan azamattardyń barlyq sanattaryn qamtıdy. Bıýdjette qarastyrǵan soma 53,4 mlrd teńge. Onyń ishinde 51,3 mlrd. teńgesi respýblıkalyq bıýdjetten qarjylandyrylatyn baǵdarlamalarǵa jumsalady, qalǵan 2,1 mlrd. teńgesi jergilikti bılik organdaryna balalarǵa arnalǵan tólemderge, az qamtylǵan otbasylarǵa ataýly kómek kórsetý úshin maqsatty transfertter retinde bólinedi", - dedi mınıstr.
T.Dúısenovanyń habarlaýynsha, eńbek zeınetaqylary 14 paıyzǵa, negizgi jáne balalarǵa arnalǵan tólemder 12 paıyzǵa kóteriledi.
