Áleýmettik salaǵa baǵyttalatyn qarajat ósti - Erulan Jamaýbaev

ASTANA. QazAqparat – Bıyl óńirlerge respýblıkalyq bıýdjetten 7,2 trln teńge baǵyttalady. Bul týraly Senattyń jalpy otyrysynda 2023 jylǵa arnalǵan respýblıkalyq bıýdjetti naqtylaý týraly zań jobasyn qaraý kezinde QR Premer-Mınıstriniń orynbasary-Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Áleýmettik salanyń shyǵystary 298 mlrd teńgege ósti jáne 8,5 trln teńge somasynda josparlandy nemese bıýdjettiń jalpy shyǵystarynyń 37,5 paıyzyn qurap otyr. Qarajat «Aýylda densaýlyq saqtaýdy jańǵyrtý» ulttyq jobasyn iske asyrýǵa, mektepke deıingi bilim berý mekemeleri pedagogteriniń jalaqysyn kóterýge jáne kolledj stýdentterdiń stıpendııalaryn ulǵaıtýǵa, áleýmettik tólemderdiń, járdemaqylardyń mólsherlerin arttyrýǵa, densaýlyq saqtaý júıesin odan ári damytýǵa baǵyttalady», - dedi E. Jamaýbaev.

Budan bólek, Qarjy mınıstri kúsh qurylymy shyǵystary 317 mlrd teńgege ósip,

2,5 trln teńge somasynda josparlanǵanyn aıtty.

«Naqtylaý kezinde bıyl óńirlerge respýblıkalyq bıýdjetten 7,2 trln teńge nemese bıýdjettiń jalpy shyǵystarynyń 32% baǵyttalady», - dedi vedomstvo basshysy.