Áleýmettik salada qalyptasqan máselelerdi sheshýde «Jol kartasy» men ındýstrııalyq-ınnovatsııalyq baǵdarlamalardyń yqpaly zor bolady - mınıstr

aýsymnyń 8-i. QazAqparat /Aıdar Ospanalıev/ - Ótken jyldyń sáýir aıynda respýblıkada 350-myńnan astam mekemede 80 myńǵa jýyq eńbekker tolyq emes jumys kúnine kóshken. Qazirgi tańda «Jol kartasy» baǵdarlamasynyń qolǵa alynýyna baılanysty bul kórsetkishter birshama kemidi. Qazirgi tańda 19 myń mekemede 15 myńǵa jýyq adam tolyq emes jumys kúninen kóshken.

Bul týraly búgin Astanada «Álemdik daǵdarys jaǵdaıyndaǵy áleýmettik qamsyzdandyrý: zaman talabyna ulttyq kózqaras» atty taqyrypta ótip jatqan halyqaralyq konferentsııa barysynda Eńbek jáne halyqty áleýmettik qorǵaý mınıstri Gúlshara Ábdiqalyqova málim etti, dep habarlaıdy QazAqparat.

Onyń aıtýynsha, qazirgi tańda azamattardy jumyspen qamtýda eń úlken úmit artylyp otyrǵan shara «Jol kartasy» baǵdarlamasy. «Atalmysh baǵdarlamalar boıynsha biz mamandardy qaıta daıyndap jatyrmyz. Sonymen qatar bıyldan bastap, ındýstrııalyq-ınnovatsııalyq saıasat boıynsha úlken 147 joba iske qosylady. Sol jobalarǵa jumyssyzdar men ózin-ózi jumyspen qamtamasyz etetin azamattardy tartý bolyp otyr», dedi mınıstr.