Áleýmettik sala qyzmetkerleri jalaqysynyń kóteriletindigi halyqty bir qýantyp tastady - Ch.Ábýtálipov

KÓKShETAÝ. QazAqparat - «Elbasy óziniń halyqqa arnaǵan bıylǵy Joldaýynda elimiz úshin asa mańyzdy degen kórsetkishterdi atap kórsetip, 2050 jylǵa deıingi strategııany júzege asyrýdyń, ıaǵnı turmysy baqýatty, tútini túzý ushqan, urpaǵy erteńine senimmen qaraıtyn Máńgilik El bolýdyń basty vektorlaryn aıqyndap berdi», - deıdi Aqmola oblystyq ardagerler keńesiniń tóraǵasy Chapaı Ábýtálipov.

Onyń aıtýynsha, Joldaýda atap kórsetilgendeı, ultymyzdy uıystyryp, uly maqsattarǵa jeteleıtin bul negizgi ıdeıa - bizdiń uly baǵdarymyz «Qazaqstan -2020»- nyń túp qazyǵy. Memleket basshysy aıtpaqshy, bizdiń táýelsizdigimiz, zaıyrlyǵymyz ben elimizdiń ekonomıkalyq ósimi, Jalpyǵa Ortaq Eńbek Qoǵamy sııaqty qundylyqtardy biriktiredi. Nursultan Nazarbaevtyń jastarǵa qarata aıtqan sózderi de óte oryndy. Memleketimizdi Máńgilik El etý jolynda eńbek etetin de, erteń sonyń jemisin kóretin de búgingi jastar. Osyny jaqsy túsingen Elbasy keıingi býyn ókilderin elimizdiń qalyptasý isine nemquraıly qaramaı, onyń júzege asyrylýyna barynsha atsalýǵa shaqyrdy.

«Jalpy ishki ónim kólemin arttyryp, halyqtyń ómir súrý jasyn ulǵaıtýdyń kózdelip otyrǵandyǵy da bizdi qýantady. Tek tabıǵı azyq-túlikter tutyný, ekologııanyń tazalyǵy osy máseleniń oń sheshilýine alyp kelmeı me? ıAǵnı, ol turmysymyzdyń budan da jaqsaryp, qyzmet kórsetý deńgeıiniń artatyndyǵyn kórsetedi. Densaýlyq saqtaý, bilim berý jáne áleýmettik sala qyzmetkerleri jalaqysynyń kóteriletindigi jónindegi jańalyq ta qarapaıym halyqty bir qýantyp tastady", - deıdi Ch.Ábýtálipov.