Áleýmettik saqtandyrý qory medıtsına uıymdaryna 630 mlrd teńge tóledi
NUR-SULTAN. QazAqparat – «Áleýmettik medıtsınalyq saqtandyrý qory» kommertsııalyq emes aktsıonerlik qoǵamy jyl basynan beri memlekettik tapsyrys boıynsha kórsetilgen qyzmetter úshin 630 mlrd teńge tóledi. Qarjy kepildendirilgen tegin medıtsınalyq kómek toptamasy aıasynda bólindi, dep habarlaıdy QazAqparat tilshisi atalǵan qordyń baspasóz qyzmetine silteme jasap.
«2019 jyly 19 tamyzyndaǵy málimetter boıynsha, qormen kelisimshart bekitken jetkizýshi kompanııalarǵa 630 mlrd teńge tólendi. Bul kepildendirilgen medıtsınalyq kómek toptamasy aıasynda bekitilgen kelisimsharttardyń jalpy somasynyń 71 paıyzy», - dedi ÁMSQ basqarma tóraǵasynyń orynbasary Botagóz Jaqselekova.
2019 jyly ÁMSQ kepildendirilgen kómek túrlerin kórsetýge qulshynys bildirgen medıtsına uıymdarymen 889 mlrd teńgeniń kelisimshartyn bekitken bolatyn. Bul ótken jyly bólingen qarjydan 6 paıyz artyq.
«Jumys kestege saı júrip jatyr», - dedi Botagóz Jaqselekova.
Bıyl memlekettik tapsyrysty oryndaýǵa 1416 medıtsına uıymy atsalysyp jatyr. Onyń ishinde 708 jeke menshik klınıka da bar. Bıyl olardyń sany 2018 jylmen salystyrǵanda 64-ke artqan.
Memleketten tapsyrys alǵan jeke menshik klınıkalar sany jaǵynan Shymkent, Nur-Sultan, Almaty qalalary men Qyzylorda jáne Jambyl oblystary kósh bastap tur.
