Áleýmettik rolıkterge arnalǵan «Nıet» baıqaýynyń jeńimpazdary anyqtaldy
Іrikteý nátıjesine saı bas júlde - bir mıllıon teńge jáne Aqan Sataevtyń prodıýserligimen áleýmettik rolık túsirý múmkindigi Dmıtrıı Galabırge buıyrdy. Ekinshi orynǵa Qýanysh Omarov ıe boldy. Ol Apple MacBook noýtbýgyn utyp aldy. Úshinshi oryn jeńimpazy Rınat Turǵanbekov. Oǵan tsıfrlyq fotokamera tabystalady.
Yntalandyrý syılyǵyna ıe bolǵandardyń aty-jóni saltanatty marapattaý rásiminde habarlanady. Іrikteý nátıjesi soń túsirilim jumystary bastalyp ketti. Jeńimpazdyń stsenarııi boıynsha túsirilgen áleýmettik rolıktiń tanystyrylymy sáýir aıynda ótedi.
Baıqaýdy Aqparat jáne kommýnıkatsııalar mınıstrligi «Astana Banki» AQ jáne Standart life kompanııasymen birigip uıymdastyryp otyr.
Baıqaýǵa qatysatyn jumystardy qabyldaý 2017 jyldyń 27 qarashasy men 24 jeltoqsany arasynda júrgizildi. Bir aıdyń ishinde eń ózekti degen taqyryptarǵa arnalǵan alty júzden astam stsenarıı kelip tústi. Oıdyń mańyzdylyǵy, ereksheligi men stsenarııdiń tutastyǵy basty nazarda boldy.
Qazylar alqasynyń músheleri belgili rejısser Aqan Sataev, «Qazaqstan «RTRK» AQ basqarma tóraǵasy Erlan Qarın, «Habar» agenttigi» AQ basqarma tóraıymy Almagúl Ahmetjanova, Kazmedıa Medıamektebiniń dırektory, jýrnalıst Mahabbat Esen men Standard Life aktsıoneri Dáýren Kúmpeıisov.
