Áleýmettik problemalardy sheshýde kommertsııalyq emes sektordyń áleýetin tıimdi paıdalaný úshin zańnamalyq bazany ara qaraı jetildirý kerek

A. Qarashanyń 24-i. QazAqparat /Rýslan Ǵabbasov/ - Áleýmettik problemalardy sheshýde kommertsııalyq emes sektordyń áleýetin tıimdi paıdalaný úshin zańnamalyq bazany ara qaraı jetildirý talap etiledi.

Bul týraly búgin Astanada ótip jatqan Azamattyq forým barysynda Parlament Májilisiniń depýtaty Aıgúl Soloveva aıtty, dep habarlaıdy QazAqparat.

Onyń aıtýynsha, osy baǵyttaǵy máselelerdiń toby 2012 jylǵa deıingi Qazaqstandaǵy adam quqyǵy salasyndaǵy Ulttyq is-qımyl josparynda belgilengen.

Bul óz kezeginde adamnyń irgeli quqyqtaryn jáne barsha qoǵam múddesin júzege asyrýǵa baǵyttalǵan azamattyq qoǵamnyń  barlyq qatysýshylarynyń jalpy kúsh-jigeriniń nátıjesi ekenin jetkizgen ol, «bul josparda qarastyrylǵan sharalar ulttyq zańnamany, sondaı-aq halyqaralyq standarttarǵa sáıkes qoǵamdyq qatynastar salasynda  quqyqtyq paıdalaný tájirıbesin ary qaraı jetildirýge ataýly ári tıimdi tetik bolmaq», dedi.