Áleýmettik paraqshany damytýǵa ýáde bergen aqtóbelik 2 adamdy aldaǵan
AQTÓBE. QazAqparat – Aqtóbe oblystyq polıtsııa departamenti beıtanys adamdardyń senimine kirip, aldap ketken aýyl turǵynyn ustady, dep habarlaıdy QazAqparat tilshisi.
Temir aýdanynyń 21 jastaǵy turǵyny ustaldy. Ol áleýmettik jelidegi paraqsha arqyly Alǵa qalasynyń 30 jastaǵy turǵynyna tıesili 35 myń teńgeni alyp ketken. Jábirlenýshi 12 tamyzda polıtsııaǵa aryz jazdy. Kúdikti ustalyp, Aqtóbe qalasynyń ýaqytsha ustaý ızolıatoryna qamaldy.
«Shubarqudyq aýylynyń 21 jastaǵy turǵyny Nur-Sultan qalasynyń turǵynyn aldap ketken. Instagramm qosymshasy arqyly jeke akkaýntty damytý syltaýymen ol Nur-Sultan qalasynyń 20 jastaǵy turǵynyna tıesili 44 myń teńgeni ıemdengen. Qyz mobıldi qosymsha arqyly aqsha aýdarǵan. Jábirlenýshi polıtsııa kelip, aryzdandy. Atalǵan fakti boıynsha kúdikti óz áreketin moıyndady. Qylmystyq kodekstiń «Alaıaqtyq» baby boıynsha sotqa deıingi tergeý bastaldy. Azamattardy qyraǵy jáne asa saq bolýǵa shaqyramyz», - dedi oblystyq PD bastyǵynyń orynbasary Qanat Nurmaǵambetov.
