Áleýmettik nysandardyń jobalaryn erekshe qadaǵalaý kerek - Natalıa Godýnova
Onyń sózine qaraǵanda, bıýdjettik qarjy esebinen salynatyn nysandardyń smetalyq qunyn ońtaılandyrý eleýli rezerv bolady. Birinshi kezekte, áleýmettik nysandarǵa mán berý kerek.
«Qazirgi kezde ázirlengen jáne saraptamadan ótken jobalyq-smetalyq qujattardyń tek 32 paıyzy júzege asyrylady. Qalǵandary úsh jyldyq kezeńde suranysqa ıe bolmaıdy. Keıinnen olar kúshi joıylǵan dep tanylady nemese qosymsha bıýdjettik qarjyny bólý arqyly pysyqtaýǵa jiberiledi», - dep toqtaldy Godýnova.
Onyń sózine qaraǵanda, jobasy jaǵynan birdeı áleýmettik nysandar kóbine quny boıynsha ártúrli bolyp jatady. Sonymen qatar, osy qymbatqa túsken nysandardyń artyqshylyǵy da kórinbeıdi.
Onyń sózine qaraǵanda, jeke saraptama barysyna osy nysandardyń barlyǵyna ońtaıly qorytyndy beriledi.
«Búginde elimizde 144 saraptamalyq uıym tirkelgen. Olarǵa qatysty biliktilik talaptaryn kúsheıtý kerek. Sonymen qatar, oryn alǵan qaıshylyqtardy joıý, qurylys normalaryn qaıta qarastyrǵan jón jáne tıptik jobalardy paıdalaný tájirıbesin keńeıtý kerek», - dedi Natalıa Godýnova.