Áleýmettik medıtsınalyq saqtandyrý jobasyn qarjylandyrý jóninde qaýly jobasy ázirlendi
«Qaýly jobasy «Áleýmettik medıtsınalyq saqtandyrý» jobasyn qarjylandyrýǵa 80 mln AQSh dollary somasyndaǵy Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Áleýmettik medıtsınalyq saqtandyrý jobasy) ratıfıkatsııalaýdy kózdeıdi», delingen habarlamada.
Jobanyń maqsaty densaýlyq saqtaý qyzmetterin kórsetý júıesiniń qoljetimdiligin, sapasyn jáne ekonomıkalyq tıimdiligin arttyrý jáne halyqtyń densaýlyq problemalaryna baılanysty qarjylyq táýekelderin tómendetý bolyp tabylady.
Qarajatty ákimshilendirýdi jáne jumsaýdy jobanyń ákimshisi - QR Densaýlyq saqtaý jáne áleýmettik qorǵaý mınıstrligi júzege asyratyn bolady.
Jobany iske asyrý «100 naqty qadam» Ult josparynda kózdelgen.
Germanııa, Frantsııa sııaqty damyǵan elderdiń tájirıbesi medıtsınalyq saqtandyrýdyń birqatar aýyr aýrýlardyń serpinine jáne halyq densaýlyǵynyń ahýalyna oń áserin tıgizgendigin kórsetip otyr.
Onyń ishinde densaýlyq saqtaý qyzmetteriniń standartty paketin qamtamasyz etetin áleýmettik medıtsınalyq saqtandyrýdy engizý eldiń búkil halqyna turǵyndaryna, ásirese halyqtyń áleýmettik jaǵynan osal toptaryna paıdasyn tıgizedi, kútiletin halyqtyń ómir súrý uzaqtyǵyn ulǵaıtýǵa oń áserin tıgizedi, bul damyǵan elder deńgeıine kezeń-kezeńmen qol jetkizýge múmkindik beredi.
Joba sheńberinde QR Densaýlyq saqtaý jáne áleýmettik qorǵaý mınıstrligi arterıaldyq gıpertenzııa, qant dıabeti, sozylmaly júrek jetispeýshiligi sııaqty negizgi sozylmaly aýrýlar boıynsha aýrýlardy basqarý baǵdarlamalaryn endirýdi keńeıtýdi josparlap otyr.
QR Densaýlyq saqtaý jáne áleýmettik qorǵaý mınıstrligi jobany 2017-2021 jyldary kezeńinde iske asyrýdy josparlap otyr.
