Áleýmettik medıtsınalyq saqtandyrý qorynyń shtatynda qansha adam jumys isteıdi

ASTANA. QazAqparat – «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń basqarma tóraǵasy Sábıt Ahmetov redaktsııa saýalyna joldaǵan jaýabynda qordy ustap turýdyń jyldyq shyǵyny qandaı ekenin aıtty, dep habarlaıdy QazAqparat tilshisi.

«Qor qyzmetkerleriniń shtat sany 2022 jyly 929 adam boldy. «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń qyzmetine 20 óńirlik fılıaldyń shyǵyndaryn qosqanda qoǵamdy damytý josparynyń aıasynda 9 mlrd 712 mln teńge jumsaldy», - deıdi Sábıt Ahmetov.

Sondaı-aq, ol atalǵan qarajattyń qalaı ıgerilgenine toqtaldy.

«Bul somanyń ishinde eńbekke aqy tóleý, ǵımarat jaldaý, baılanys qyzmeti men ınternet aqysy, negizgi qarajat pen materıaldyq emes aktıvterge qyzmet kórsetý shyǵyndary, tehnıkalyq-materıaldyq jabdyqtar, issapar shyǵyndary, 1406 Call-ortalyǵynyń shyǵyny, táýelsiz sarapshylardyń medıtsınalyq kómek sapasyna monıtorıng jasaý qyzmeti jáne ózgeler kiredi», - dep jazylǵan jaýapta.