Áleýmettik máselelerge qalam tartyp júrgen jas jýrnalısterdi yntalandyrý mańyzdy - S.Mataev
ASTANA. 26 jeltoqsan. QazAqparat - Almatyda Qazaqstan Halyq Banki men «Qazaqstan Jýrnalıster odaǵy» qoǵamdyq birlestigi basshylyǵynyń ókilderi áleýmettik máselelerge qalam tartyp júrgen jas jýrnalısterdiń jumystaryn atap ótti.
Jańa jyl qarsańynda Halyq Banki Basqarmasy tóraǵasynyń orynbasary Stanıslav Kosobokov pen «Qazaqstan Jýrnalıster odaǵy» qoǵamdyq birlestigi basqarmasynyń tóraǵasy Seıtqazy Mataev áleýmettik taqyrypta qalam tartyp júrgen jas avtorlarǵa arnaýly dıplomdar tapsyrdy. Qurmetti marapatqa «Áleýmettik keńes» atalymynda boıynsha ıÝlııa Semılıakova («Oshıbka tsenoıý zdorovıa» maqalasy úshin), «Áleýmettik proza» atalymy boıynsha Merýert Іlııasova («Baqyt kilti» maqalasy úshin) jáne «Áleýmettik lırıka» atalymy boıynsha Aleksandr Strelnıkov («ıA plagıata ne prıemlıý...» óleńder toptamasy úshin) ıe boldy.
Jas jýrnalısterdi marapattaý rásimine qatysqan Bank basqarmasy tóraǵasynyń orynbasary S.Kosobokovtyń atap kórsetkenindeı, «Halyq banki» úshin áleýmettik máseleler taqyryby etene jaqyn. Óıtkeni bank búkil Qazaqstan boıynsha óz qamqorlyǵyndaǵy balalar mekemeleriniń tárbıelenýshilerine bilim berýge, shyǵarmashylyq qabiletterin damytýǵa, sondaı-aq olardyń arasynda dene shynyqtyrý men sportty damytýǵa yqpal etýge baǵyttalǵan birqatar áleýmettik jobalardy júzege asyrýda.
«Al búgingi shara jýrnalıster qaýymynyń áleýmettik máselelerge qyzyǵýshylyǵyn arttyrý bolyp tabylady. Búgingi kúni áleýmettik máseleler týraly jıi jazylady deýge kelmeıdi. Sebebi jýrnalıster qaýymy aqyly materıaldar jazýdyń sońyna túsip ketti. Al áleýmettik taqyryp, eń ózekti ári mańyzdy bolyp tabylady. Sondyqtan da osy taqyrypqa qalam tartyp júrgen jas jýrnalısterdi yntalandyrý mańyzdy», - dep atap ótti óz sózinde Qazaqstan Jýrnalıster odaǵynyń basshysy S.Mataev.
