Áleýmettik mańyzy bar taýarlar baǵasynyń negizsiz ósýin bolǵyzbaý baǵytyndaǵy jumystardy kúsheıtý qajet

 Búgin Parlament Májilisinde Básekelestikti qorǵaý agenttigi qyzmetiniń negizgi baǵyttary taqyrybynda ótken Úkimet saǵatynda Ekonomıkalyq damý jáne óńirlik damý komıtetiniń tóraǵasy depýtat Seıitsultan Áıimbetov osylaı  málim etti.  

Sóz arasynda depýtat taýarlar naryǵyna Básekelestikti qorǵaý agenttigi júrgizgen taldaýǵa toqtalyp, belgilengen ádistemege sáıkes 5 myń taýar naryǵyna taldaý jasalýǵa tıis ekenin eskertti. «Biraq sońǵy úsh jylda taýar naryǵyn taldaý ortasha alǵanda 33 pozıtsııany ǵana qamtyǵan, al onyń qurylymynda sońǵy kezde eshqandaı ózgeris bolmaǵan. ıAǵnı, jyl saıyn sol bir-birine uqsas taýarlar naryǵy ǵana tekseriledi. Bizdiń oıymyzsha bul tizbege ózekti pozıtsııalardy engizý qajettigi týyndap otyr. Mysaly, bıylǵy jyly qolda mal ustaıtyn aýyldar men selolardyń áleýmettik jaǵynan osal turǵyndaryna ýaqytyly den qoıyp, kómek kórsetý úshin jemshóp naryǵyn tekserý jáne oǵan taldaý júrgizý qajet dep esepteımiz», - deıdi depýtat.

Sonymen qatar, komıtet tóraǵasy monopolııaǵa qarsy vedomostvo ózge memlekettik organdarmen birlesip áleýmettik mańyzy bar taýarlar baǵasynyń negizsiz ósýin jáne jasandy taýar tapshylyǵynyń qalyptasýyn bolǵyzbaý úshin jasalatyn jumystardy kúsheıtý qajet ekenin atap ótti.