Áleýmettik mańyzy bar memlekettik qyzmetterdi ońtaılandyratyn zań qabyldandy - Parlament
ASTANA. 6 jeltoqsan. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine áleýmettik mańyzy bar memlekettik qyzmetterdi ońtaılandyrý men avtomattandyrý máseleleri boıynsha ózgerister men tolyqtyrýlar engizý týraly» qujatty ekinshi oqylymda maquldady.
Parlament qabyldaǵan zańnyń maqsaty áleýmettik mańyzy bar qyzmetterdi elektrondyq túrde nemese halyqqa qyzmet kórsetý ortalyqtary arqyly kórsetýdi ońtaılandyrý bolyp tabylady. Osy baǵytta qoldanystaǵy 19 zańnamalyq aktige ózgerister engiziledi. Bul rette zań jobasymen áleýmettik mańyzy bar memlekettik qyzmetterdi kórsetýdiń qysqartylǵan merzimderi belgilenedi. Qyzmetter alý úshin usynylatyn qujttar tizbesi ońtaılandyrylady. Sonymen qatar, áleýmettik mańyzy bar qyzmetterdi elektrondyq túrde alý múmkindigi zań júzinde qarastyrylady.
Parlament qabyldaǵan zań Memleket basshysynyń qol qoıýyna joldanady.
