Áleýmettik mańyzy bar azyq-túlikti ımporttaý úshin «jasyl dáliz» ashyldy

NUR-SULTAN. QazAqparat – QR Qarjy mınıstrliginiń Memlekettik kirister komıteti elimizde jarııalanǵan tótenshe jaǵdaıǵa baılanysty, halyq tutynatyn áleýmettik mańyzy bar ımporttalatyn azyq-túlikterge «jasyl dáliz» ornatty, dep habarlaıdy QazAqparat komıtettiń baspasóz qyzmetine silteme jasap.

Bul shara - birinshi kezekte tutynatyn taýarlar defıtsıtin týdyrmaý úshin jasalýda.

Vedomstvonyń málimdeýinshe, 2019 jyldyń 1 qańtarynan bastap Qazaqstanǵa jalpy quny 554,6 mln AQSh dollary turatyn 872 myń tonna taýar jetkizilgen.

Atap aıtqanda, qant – 165 myń tonna ($55,9mln); qus eti – 148 myń tonna ($143 mln); pııaz – 133 myń tonna ($30,5 mln); sút – 118 myń tonna ($56,8 mln); qyryqqabat– 85 myń tonna ($24 mln); 78 myń tonna ($14,6 mln) sábiz sııaqty áleýmettik mańyzy bar azyq-túlik qataryna jatqyzylǵan 19 túrli taýar ımporttalǵan.

«Qazirgi tańda birinshi qajettilik taýarlaryn tasymaldaıtyn negizgi kompanııalarǵa keden tekserýi, saraptama, jáne taýardyń qunyn kedendik baqylaý sııaqty sharalar qoldanylmaıdy.

Sondaı-aq, qazir shekarada ózge sanattaǵy bıznes sýbektilerine ákimshilik júktemelerdi azaıtý úshin «qyzyl jáne sary dálizderdiń» jumysy qysqartylǵan», delingen habarlamada.