Áleýmettik mańyzy bar azyq-túlikti 3 aıǵa shetelge shyǵarýǵa tyıym salyndy

NUR-SULTAN. QazAqparat - Áleýmettik mańyzy bar azyq-túlik taýarlaryna, onyń ishinde sıyr, qoı etteri, kartop jáne sábizge baǵalardy turaqtandyrý maqsatynda iri qara men usaq maldardy 6 aıǵa, kartop pen sábizdi 3 aıǵa shetelge shyǵarýǵa tyıym salyndy, dep habarlaıdy QazAqparat.

Bul Memleket basshysy Qasym-Jomart Toqaevtyń osy jyldyń 5 qańtarda eldegi áleýmettik-ekonomıkalyq jaǵdaı boıynsha keńeste bergen tapsyrmalaryna sáıkes Úkimet qabyldaǵan jedel sheshimder arasynda bar.