Áleýmettik mańyzy bar azyq-túlik bir jylda 23,4 paıyzǵa qymbattaǵan

ASTANA. QazAqparat - Ulttyq statıstıka bıýrosy ótken aptada áleýmettik mańyzy bar azyq-túlik baǵasy - 0,3%-ǵa, jyldyq mánde 23,4%-ǵa óskenin málim etti, dep habarlaıdy QazAqparat.

Qazaqstan boıynsha áleýmettik mańyzy bar keıbir taýarlardyń ortasha baǵasy:

Kúrish – 361 tg/kg

Aıran 2,5% – 367 tg/l

Súzbe – 1953 tg/kg.

Áleýmettik mańyzy bar azyq-túlik taýarlarynyń tizbesine 19 túrli ónim kiredi.

Baǵa ózgerisi týraly kórsetkishter apta saıyn jańaryp otyrady.

Baǵanyń ózgerýi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady.

Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, kommýnaldyq bazarlar, áleýmettik dúkender men pavılondar) tańdalady.