Áleýmettik mańyzy bar azyq-túlik baǵasyn tómendetý jalǵasýda – Altaı Kólginov

NUR-SULTAN. QazAqparat – Nur-Sultanda áleýmettik mańyzy bar azyq-túlik ónimderiniń baǵasyn tómendetý boıynsha jumystar jalǵasýda. Bul týraly qala ákimi Altaı Kólginov Instagram-paraqshasynda jazdy, dep habarlaıdy QazAqparat.

«Áleýmettik mańyzy bar azyq-túlik ónimderiniń baǵasyn tómendetý boıynsha jumystar jalǵasyp jatyr. Eń bastysy qala turǵyndaryna sapaly otandyq azyq-túlikti alý múmkindigin jasaý.

Aqmola oblysynyń aýylsharýashylyq, atap aıtqanda sıyr jáne qus etin, sút, jumyrtqa jáne ózge de ónimderdi óndirýshilermen kezdestim. Osy saladaǵy ózekti máselererdi talqylap, olardyń ıdeıalary men usynystaryn tyńdadym.

Árbir óndirýshimen deldalsyz yntamaqtasa otyryp, ákimshilik kedergilerdi joıamyz», - dep jazdy qala ákimi.

A.Kólginovtiń aıtýynsha, azyq-túlik qaýipsizdigi negizgi másele ekeni karantın kezinde bilindi.

«Ónimdi óndirip qana qoımaı, ony durys saqtaı bilý de kerek. Jeke ınvestorlardyń esebinen tórt birdeı iri kóterme-taratý ortalyǵynnyń jáne kókónis saqtaý qoımalarynyń qurylysy júrgizilip jatyr. Otandyq óndirýshilerdi qoldaý asa mańyzdy», - dedi ol.