Áleýmettik mańyzy bar 42 joba memlekettik qoldaýǵa ıe boldy
Azamattyq bastamalardy qoldaý ortalyǵy - úkimettik emes uıymdardy qarjylyq qoldaýdaǵy ulttyq operator.
ABQO-nyń jedel, strategııalyq jáne jobalyq qyzmet boıynsha sheshimder qabyldaýda táýelsizdilikke ıe bola otyryp, onyń aldyna qoıylǵan maqsattardy iske asyrý úshin memlekettik jáne zańnamalyq resýrsty jumyldyrý múmkindigi bar.
Uıymdastyrýshylardyń aıtýynsha, árbir tańdalǵan joba qoǵam úshin mańyzdy.
Sheshim shyǵarylǵan kúnnen keıin ABQO kúntizbelik jospar men qarjy kólemi jaıynda aıqyndaý jumystaryn júrgizdi. Jeńimpazdar qatarynda «Jas Ulan» biryńǵaı jastar men balalar uıymy, «Qazaqstannyń isker áıelderi qaýymdastyǵy» qoǵamdyq birlestigi syndy respýblıkalyq uıymdarmen qatar aımaqtyq uıymdar bar. Sondaı-aq, sarapshylyq komıssııa usynysy boıynsha qazirgi ýaqytta qoǵamdyq monıtorıngti júrgizý men onyń nátıjesi boıynsha esep berý ádistemesi jasalynyp jatyr.
Granttar boıynsha jumys aǵymdaǵy jyldyń sońyna deıin jalǵasady.
Esterińizge sala keteıik, 13 qańtar kúni Azamattyq bastamalardy damytý ortalyǵy 2017 jylǵy granttardy úlestirý boıynsha konkýrsty jarııalaǵan bolatyn. Osy jyly memleket granttar sany men granttyq qarjylandyrýdy da kóbeıtti. Eger 2016 jyly iske asyrylǵan on bir jobanyń jalpy somasy 200 mln teńgeni qurasa, osy jyly granttar qyryq jeti taqyryp boıynsha, jalpy somasy 617 mln 508 myń teńgeni quraıdy. Taqyryptar qoǵamnyń búgingi kúndegi eń mańyzdy máselelerin qamtıdy, naqtyraq aıtsaq, balalardyń quqyǵyn qorǵaý, genderlik máselelerdi sheshý, qoǵamnyń áleýmettik qorǵalmaǵan tap ókilderin qoldaý, azamattyq sektordyń rólin arttyrý, qoǵamdyq kelisim men ultaralyq tatýlyqty damýty jáne din baǵytyndaǵy ózekti máseleler.
Granttyq mehanızmder jobalarǵa olardyń tıimdiligi men sapasyna nazar aýdaryp, qarajattyń kólemine qaramastan jeńimpaz atanýǵa múmkindik beredi. Bul júıede jeńimpaz ataný úshin dempıng jasap qajet emes. Sonymen qatar, granttyq qarajattyń 10%-yn úkimettik emes uıymnyń ınstıtýtsıonaldy damýyna jumsaýǵa bolady. Bul granttyq qarjylandyrý júıesiniń taǵy da bir basymdyǵy bolyp tabylady.
ABQO ókilderi jobalardyń iske asyrylýy BAQ betterinde turaqty jarııalanyp otyratyndyǵyna kepildik berdi.
Byltyr jastarǵa únemi dem berip, tyń ıdeıalarǵa qolǵabys etip júretin ABQO 11 áleýmettik jobany iske asyrǵan. Olardyń ishinde ilip alarlyqtary korrýptsııamen kúres, genderlik teńdik pen qoǵamdyq keńes qyzmetin koordınatsııalaý jobalary bar. Sondaı-aq, 2016 jyly ortaq 111 senim telefony iske qosyldy. Oǵan óziniń biregeı tyrnaqaldy jumystaryn jurtqa kórsetsem be degen 29 myń azamat qońyraý shalǵan.. Sondaı-aq kompanııa naryqtaǵy áleýmettik qyzmet kórsetý sapasyn jiti baqylap otyrady.
Aıta keteıik, «Azamattyq bastamalardy qoldaý ortalyǵy» 2016 jyldyń aqpan aıynda qurylǵan bolatyn. Ortalyqtyń basty mindeti memlekettik emes uıymdarǵa grant bólý men olardyń iske asyrylýyna monıtorıng júrgizý bolyp tabylady. Alaıda, ABQO jeńimpazdardy ózdiginen anyqtamaıdy, jeńimpazdar sarapshylyq komıssııa otyrysynda anyqtalady. Aǵymdaǵy jyly uıym 556 mln teńgege jýyq qarajat bólingen bolatyn. Alaıda, 5 taqyryp boıynsha qabyldanǵan ótinishterdiń tómen sapasyna baılanysty jeńimpazdar anyqtalǵan joq.
