Áleýmettik mańyzdy taýarlar baǵasyn retteýge berilgen 180 kún aıaqtalǵan soń ne bolady
«2021 jyldyń qorytyndysy boıynsha azyq-túlik baǵasynyń ósýi ınflıatsııaǵa qosqan úlestiń jartysyn ıelendi. Ol ınflıatsııanyń joǵary qubylmalylyǵynyń basty faktoryna aınaldy. Sol sebepti keshe Memleket basshysy Úkimet pen ákimder úshin jýyrdaǵy úsh jylda azyq-túlik qaýipsizdigi máselesin sheshýdi negizgi basymdyq retinde belgiledi. Ol osy máseleni sheshpeı, eshqandaı sharalar ınflıatsııany turaqtandyrýǵa kómektese almaıtynyn atap ótti. Ulttyq bank áleýmettik mańyzy bar azyq-túlik taýarlarymen ǵana jumys júrgizbeı, ınflıatsııaǵa óziniń eleýli úlesin qosatyn basqa da tamaq ónimderi boıynsha jumys júrgizilýi tıis dep esepteıdi», -dedi Erbolat Dosaev.
Onyń sózine qaraǵanda, bıyl birinshi jartyjyldyqta Memleket basshysynyń tapsyrmasy boıynsha engizilgen jekelegen taýarlar men qyzmetterdiń baǵalaryn 180 kún merzimine ýaqytsha retteý baǵany turaqtandyrýǵa oń áser etýge tıis.
«Alaıda, biz retteýdi alyp tastaǵannan keıin baǵanyń birden ósip ketýine jol bermeý maqsatynda básekelestikti damytý jáne shamadan tys deldaldyqty joıý arqyly naryqtyq qaǵıdattardy engizý jáne «osal tustardyń» ornyn toltyrý úshin osy berilgen ýaqytty paıdalanyp qalýymyz kerek, óıtkeni ónim shyǵarýshylar shyǵynǵa ushyraý úshin jumys istemeıdi.
Birlesken sharalarymyzdy tabysty iske asyrý jáne aqsha-kredıt saıasatynyń tıimdiligin arttyrý Memleket basshysy alǵa qoıǵan maqsatqa qol jetkizý úshin ınflıatsııany 2025 jylǵa taman 3-4% dálizinde turaqtandyrýǵa jáne ornyqtyrýǵa múmkindik beredi», - dedi Ulttyq bank basshysy.
