Áleýmettik qyzmet kórsetýdiń standartyn jasaý qajet - qoǵamdyq uıym basshysynyń pikiri

sp;ORAL. Qarashanyń 18-i. QazAqparat /Ǵaısaǵalı Eraly/ - Qazaqstannyń Azamattyq forýmyna tańdaýlylar qatysady dep senemin.

Onda talqylanar máseleler de aýqymdy bolmaq. Bul týraly «Dıabet» qoǵamy oblystyq uıymynyń tóraıymy Tamara Istomına málim etti, dep habarlaıdy QazAqparat tilshisi.

Onyń aıtýynsha, ózi forým barysynda "Áleýmettik qyzmet kórsetýdiń standarty - bılik pen ÚEU-nyń arasyndaǵy baılanystyń shynaıy kórinisi" atty pikirtalasqa qatyspaq. «Jalpy, bizde áleýmettik qyzmet kórsetýdiń standarty áli qolǵa da alynbaǵan. Ony óndiriske engizý úshin aldymen onyń júıesin jasaý kerek, odan ári ÚEU múshelerine, basqa tulǵalarǵa onyń mánin túsindirip, dáris alǵannan keıin tıisti sertıfıkat beriledi eken. Basqa aımaqta bul qalaı sheshilýde, jalpy ÚEU jumysy qalaı, men forýmda osy jaıttarmen jete tanyssam deımin.     Ózim segiz jyldan beri oblystaǵy "Dıabet" qoǵamyn basqaryp, otyz jyldan beri osy dertpen "alysyp" kele jatqandyqtan, qoǵam músheleriniń hal-jaǵdaıyn júregimmen túsinip, barynsha kómekteskim keledi. Toqsan saıyn semınar ótkizip, oǵan bilikti mamandar, dıetolog, psıholog, zańgerlerdi shaqyramyz. Atqarylǵan sharalar barshylyq», deıdi ol.